Matoub Lounès (Imeṭṭawen-iw)

Publiée le 28 mai 2012 par mastanabal

IMEṬṬAWEN-IW

******************************
Semmḥeɣ-awen ma tezzmem
Imi ur tḍallem
Γef yiẓuran n lehlak-iw
Tewwtem s ṭṭen tfesrem
Mazal theddrem
Di lemtul ternam isem-iw
Ah ya limer d iyi-tjerrbem
Deg-i ur tekkatem
Ad d-ssurfen imeṭṭawen-iw

Ay atmaten zedɣeɣ axxam
Siwa kan qessam
I yeẓran amek iwessef
Leḥyuḍ ulin s leɣmam
Yessa s ttexmam
Yerna s usigna iseqqef
Iḍ d wass fell-i d ṭṭlam
Rẓag-it tiram
Si leεmer-iw temẓi texsef

Semmḥeɣ-awen ma tezzmem
Imi ur tḍallem
Γef yiẓuran n lehlak-iw
Tewwtem s ṭṭen tfesrem
Mazal theddrem
Di lemtul ternam isem-iw
Ah ya limer d iyi-tjerrbem
Deg-i ur tekkatem
Ur tekkatem deg yimeṭṭawen-iw

Di twenza-w, di twenza-w
Ay εemrent temsal agraw

Imeṭṭawen-iw d isefra
N widak merra
Yuɣen tiyita di laman
Win ijerḥen am nekk yeẓra
Ur uksaneɣ ara
Qewteɣ lefrisa s waman
Ul ɣer daxel yettara
Ruɣ terra tmara
Imeṭṭawen deg-i atna gman

Di twenza-w, di twenza-w
Ay εemrent temsal agraw

Ay atmaten zedɣeɣ axxam
Siwa kan qessam
I yeẓran amek iwessef
Leḥyuḍ ulin s leɣmam
Yessa s ttexmam
Yerna s usigna iseqqef
Iḍ d wass fell-i d ṭṭlam
Rẓag-it tiram
Si leεmer-iw temẓi texsef

Di twenza-w, di twenza-w
Ay εemrent temsal agraw

D tafsut yesgem yal amgud
Neɣ d ccetwa s rrεud
Nekk fell-i ur ibeddel lḥal
La leḥḥuɣ mebla lmeqsud
Ul yezga yeffud
Liser fell-i d lmuḥal
Σeddant u εeddant leεyud
A Rebbi lmeεbud
Di ssber mazal-iyi acḥal

Di twenza-w, di twenza-w
Ay εemrent temsal agraw